ИФТИТОҲИ ХАТИ НАВИ АЛОҚАИ НАХИ ОПТИКӢ ДАР СУҒД: ТЕЗТАР, БОЭЪТИМОДТАР, МУОСИРТАР
Tcell дар бораи боз як қадами муҳим дар рушди инфрасохтори телекоммуникатсионии кишвар – ба кор андохтани хати нави алоқаи нахи оптикӣ дар минтақаи Ашт (Бахмал) эълон менамояд, ки тамоми пойгоҳҳои мавҷудаи Аштро бо маркази Суғд, шаҳри Хуҷанд мепайвандад.
Ин лоиҳа на танҳо сифати иртиботу муоширатро барои корбарони Tcell ба таври қобили мулоҳиза беҳтар месозад, балки барои пружаҳои рақамӣ уфуқҳои нав ифтитоҳ менамояд. Ба шарофати хати оптикӣ муштариёни ноҳияи Ашт имкон пайдо мекунанд, ки аз интернети устувор ва босуръати мобилӣ баҳравар шаванд, ки ин дар шароити муосир, ки интернет ба ҷузъи ҷудонашавандаи ҳаёти ҳаррӯза табдил ёфта истодааст, махсусан муҳим аст.
Ин барои муштариён чӣ аҳамият дорад?
Ифтитоҳи хатти нав теъдоди пойгоҳҳои базавии 4G-ро афзоиш дода, суръати интернети мобилиро бамаротиб боло мебарад ва алоқаи баландсифатро таъмин мекунад. Илова бар ин, он зерохторҳои мавҷударо барои татбиқи 5G дар оянда омода карда, минтақаро бо роҳалҳои пешрафтаи телекоммуникатсионӣ таъмин менамояд.
Ин як қадами муҳим дар бахши рушди рақамии Тоҷикистон аст, ки барои тиҷорат, таҳсил ва истифодаи ҳамарӯзаи хизматрасониҳои онлайн имкониятҳои бештар фароҳам меорад.
Чаро алоқаи нахи оптикӣ беҳтар аст?
Шабакаҳои анъанавӣ системаҳои радиорелейро истифода мебаранд, ки сигналҳоро тавассути мавҷгир(антенна)-ҳо ба масофаи муайян интиқол медиҳанд. Онҳо дар макону мавзеъҳои душворгузар қулай мебошанд, аммо дар интиқоли ҳаҷми бузурги додаҳо (маълумот) ба масофаҳои дур имкониятҳои маҳдуд доранд.
Нахи оптикӣ бошад, импулсҳои нуриро барои интиқоли маълумот тавассути нахҳои шишагин истифода мебарад. Ин далел суръати барқвор (зуд)-и интиқоли маълумотро таъмин намуда, ба афзоиши муқовимат ба омилҳои беруна, аз ҷумла номусоидии обу ҳаво ва дахолат таъсир мерасонад. Дар натиҷа, муштариён новобаста аз масофаи дур аз марказ, алоқаи устувор ва пайвасти босуръати интернетро дарёфт менамоянд.
Дурнамо?
Tcell дар самти рушди шабакаи нахи оптикӣ дар дигар минтақаҳои кишвар фаъолияти густурдаро идома медиҳад, то шумораи ҳарчи бештари сокинони Тоҷикистон ба интернети баландсуръат ва хизматрасонии алоқаи босифат дастрасӣ пайдо кунанд.
