Ширкати муовини Сардори Хадамоти алоқа дар Ҷаласаи раҳбарони вазорату идораҳои кишварҳои узви СҲШ барои рушди технологияҳои иттилоотию коммуникатсионӣ
Илҳомҷон Атоев, муовини Сардори Хадамоти алоқаи назди Ҳукумати Ҷумҳурии Тоҷикистон дар Ҷаласаи раҳбарони вазорату идораҳои кишварҳои узви СҲШ барои рушди технологияҳои иттилоотию коммуникатсионӣ ширкат намуд.
Ҷаласаи роҳбарони вазорату идораҳои масъули рушди технологияҳои иттилоотию коммуникатсионии давлатҳои аъзои Созмони ҳамкории Шанхай 1 феврали соли 2024 дар шаҳри Алмаато таҳти раёсати ҷониби Қазоқистон баргузор гардид.
Дар чорабинӣ роҳбарон ва намояндагони вазорату идораҳои кишварҳои узви СҲШ масъули рушди технологияҳои иттилоотию коммуникатсионӣ, намояндагони котиботи СҲШ, коршиносон аз кишварҳои нозир ва шарикони муколамаи СҲШ, инчунин намояндагони намояндагиҳои дипломатӣ ширкат доштанд.
Иштирокчиён табодули таҷрибаи пешқадам дар соҳаи технологияҳои иттилоотӣ ва коммуникатсионӣ дар кишварҳои худ, рақамикунонии иқтисодиёти кишварҳои СҲШ, мушкилот ва дурнамои рақамисозӣ барои рушди устувор, нақшаҳо ва дурнамои рушдро баррасӣ карданд.
Роҳбарони вазорату идораҳои масъули рушди технологияҳои иттилоотию коммуникатсиони инчунин мушкилоти мавҷудаи нобаробарии рақамиро байни кишварҳо ва гурӯҳҳои иҷтимоӣ қайд карданд.
Бо мақсади мусоидат ба шарикии рақамӣ барои рушди устувори иқтисодиёти рақамӣ, ҷонибҳо ба мувофиқа расиданд, ки робитаҳои барқароршударо нигоҳ дошта ва таҳким бахшида, табодули таҷрибаи пешқадам дар соҳаи технологияҳои иттилоотӣ ва коммуникатсионӣ идома диҳанд, ки ба ин восита ба коҳиши мунтазами нобаробарии рақамӣ мусоидати фаъол намоянд. .
Иштирокчиёни вохӯрӣ андешаҳои худро ҷиҳати амиқтар намудани ҳамкорӣ дар самти рушди трансформатсияи рақамӣ ва иқтисодиёти рақамӣ ва ба ин васила ба рушди инноватсионӣ ва технологии иқтисодиёти кишварҳои СҲШ такони нав бахшидан, баён намуданд.
Ҳамчунин ҷонибҳо ба мувофиқа расиданд, ки барои пешбурди қарорҳои ҳукумати электронӣ, табодули дониш дар бораи таҷрибаи муваффақ ва омӯхтани имкониятҳои лоиҳаҳои муштарак ҳамкорӣ кунанд.
Дар назар аст, ки ҷаласаи навбатии роҳбарони вазорату идораҳои кишварҳои узви СҲШ барои рушди технологияҳои иттилоотию коммуникатсионӣ дар соли 2025 баргузор мешавад.
