«Вавилон-Мобайл» корҳои густардаро барои таъмини алоқаи бефосила идома медиҳад
ҶСП «Вавилон-Мобайл» дар остонаи фасли зимистон ва фарорасии мавсими маҳдудияти барқ корҳои васеъмиқёсро ҷиҳати таъмини алоқаи муътадил дар саросари ҷумҳурӣ фаъолона идома медиҳад.
Танҳо дар як ҳафтаҳои охир ширкат дар як қатор пойгоҳҳои базавии мавзеъҳои муҳим, аз ҷумла Шарора Бозор (ноҳияи Ҳисор), Ночӣ, Тӯда, Тезгар, Водозабор (Рӯдакӣ), Муҷихарф (Нуробод), Ваҳдат, Маданият, инчунин Қаҳрамон (Ҳисор) батареяҳои нави литий-иониро насб кард, ки захираи нерӯи барқаш зиёда аз 10 соат аст.
Тадбирҳои мазкур ба баланд бардоштани эътимоднокии инфрасохтор ва таъмини кори муътадили шабака, ҳатто дар шароити душвори обу ҳаво нигаронида шудаанд. Насб кардани батареяҳои замонавӣ ва манбаъҳои алтернативии энергия дар пойгоҳҳои базавӣ имкон медиҳад, ки муштариёни «Вавилон-Мобайл» ҳатто дар ҳолати маҳдудияти таъминоти барқ ҳамеша дар алоқа бошанд ва аз Интернет истифода баранд.
