26 августи соли 2024 дар Риёз мулоқоти сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо Дабири кулли  Созмони ҳамкории рақамӣ (DCO) Дима Ал-Яҳя баргузор гардидааст.

Дар мулоқот масъалаҳои роҳандозии ҳамкорӣ байни Тоҷикистон ва созмони мазкур дар бахшҳои ҳукумати электронӣ, иқтисоди рақамӣ, зеҳни сунъӣ ва дигар мавзуъҳои мавриди таваҷҷуҳи муштарак баррасӣ шуданд.